غلطة عمر مدري نهاية مشاوير‎

غلطة عمر مدري نهايـة مشاويـر
بـس الأكيـد انّـا دفعنـا ثمنـهـا

يامـا قضينـا عمرنـا بالمعـاذيـر
وياما الهوى فك النفـوس وسجنهـا

نجرح بعضنـا والعـذر فالمقاديـر
ونعيش لجل النـاس ونمـوت منهـا

وايامنا اللـي كانـت بوقتنـا غيـر
شابـت ولا مـر الحنيـن وسكنهـا

واذناً مساها منك احلى مسـا خيـر
جفت .. وغابت كل الاصوات عنها

صدري سما وانتي جروحك عصافير
كم غردت وعـروق قلبـي لحنهـا

يعني تفارقنا .. ! وبعدين ش يصيـر
هـذي هـي الدنيـا وهـذي سننهـا

مالك علي الا ارسم جنـاح وآطيـر
وارجع جـروح الغريـب لوطنهـا

وانتي : امانه اذكري ( أحمد ) بخير
لا مر بك طاري الجـروح وزمنهـا

غلطة يدينا .. والا غلطـة مقاديـر
مـدري : ولكنـا دفعـنـا ثمنـهـا

" />

هذا القصيد اللي يروي الذائقة

ويدغدغ الاحاسييس

يسلموا

تفاحة مرتاحة

الله يعافيك أخوي

البـــــــــــــــــرق....

والروع مرورك وتواصلك الرائع والطيب