ضرير العين

"ما سمعتوا عن ضريرٍ عينه تشوف وضـرير
قلبه أعمى ما يشوف وعذره اصبح صنعته

ذاك من شره تجاهل طيبته والطيب خـير
ما بعد مرة سمعت النــاس تذكر طيبته

ما سلم منه غني وما سلم منـــه فقير
الحسد والشر دايم داخلــه من خلقته

ما تقدم في مسيره.. ماله أصلا فـ المسير
غافيٍ والناس قامت ما صحي من غفوته

إن كذب كنه يسولف.. وإن حكي حكيه كثير
والكلام إن ما توازن (كثرته) هي (قلّته)

قشته (لو كان صادق) قاصمه ظهر البعير
وش علي من البعير وش علي من قشته؟ّ

شتته شيطان فكـره.. حسسه انه كبير
ما درى بني كشفتـه قبــل يبدا لعبته

يلعب أحسن له بعيد ولا يصير اللّي يصير
لا يظــن إنه فطين وعندي تمشي زلتـه

(الأرانب) دوم تمشي.. و(الصقور) اللي تطير
واللي مثله لا يطيــر ولا يصحح مشيته!!

لو عسف خيل المراجل يبقى في عيني صغير
أعرفه.. وأعرف طريقه.. ما يخلي سكته!!

أقدر أسوي سواته بس أنا عندي ضمير
بس لو شفته تمادى لازم (أكسر شوكته)!!

كان عقله ما يفـرق بين رجــال وغرير
عقلي أكبر من كلامه كل شخص وفطنته!!

الصديق يفوح (مسكه) والعدو نفّاخ (كير)
واللي ما يعرف مقامي.. ما علي من قيمته!!

أقدر أميز عدوي من صديقي فـ الأخير
فرق بين اللي ضحك لي واللي يصنع ضحكته

ما سمعتوا عن ضريرٍ عينه تشوف وضـرير
قلبه أعمى ما يشوف وعذره اصبح صنعته

ذاك من شره تجاهل طيبته والطيب خـير
ما بعد مرة سمعت النــاس تذكر طيبته

ما سلم منه غني وما سلم منـــه فقير
الحسد والشر دايم داخلــه من خلقته

ما تقدم في مسيره.. ماله أصلا فـ المسير
غافيٍ والناس قامت ما صحي من غفوته

إن كذب كنه يسولف.. وإن حكي حكيه كثير
والكلام إن ما توازن (كثرته) هي (قلّته)

قشته (لو كان صادق) قاصمه ظهر البعير
وش علي من البعير وش علي من قشته؟ّ

شتته شيطان فكـره.. حسسه انه كبير
ما درى بني كشفتـه قبــل يبدا لعبته

يلعب أحسن له بعيد ولا يصير اللّي يصير
لا يظــن إنه فطين وعندي تمشي زلتـه

(الأرانب) دوم تمشي.. و(الصقور) اللي تطير
واللي مثله لا يطيــر ولا يصحح مشيته!!

لو عسف خيل المراجل يبقى في عيني صغير
أعرفه.. وأعرف طريقه.. ما يخلي سكته!!

أقدر أسوي سواته بس أنا عندي ضمير
بس لو شفته تمادى لازم (أكسر شوكته)!!

كان عقله ما يفـرق بين رجــال وغرير
عقلي أكبر من كلامه كل شخص وفطنته!!

الصديق يفوح (مسكه) والعدو نفّاخ (كير)
واللي ما يعرف مقامي.. ما علي من قيمته!!

أقدر أميز عدوي من صديقي فـ الأخير
فرق بين اللي ضحك لي واللي يصنع ضحكته