في غياب الأحبه !!

بسم الله الرحمن الرحيم

السلام عليكم ورحمة الله وبركاته ..

* * * * * * * * * * *

 أكذب عليك إن قلت غيابك شي عادي،أضحك وانا من جور الأيام مجروح،جرح توسط في حنايا فؤادي،ليت الجروح ضيوف يومين وتروح،بعثر ورقنا هالزمن الرمادي،وأصعب شيء على الإنسان هي غيبة الــــروح..

 اللي يقول البعد ينسيك الأحباب،قول لة يجي ويشوف حالي بعينة..

 تدري وش يصير بغيابك؟،أحس روحي أودعها،تطيح الدمعة من عيني،وتجري غصب مدامعها،كرهت الأرض بغيابك،من أولها لسابعها،بعد هالعمر بغيابك،حبيبي لو بتسألني"انا أحبك؟!"،إيه أحبك!! وخلي الناس تسمعها..

 منهو يقول إن الأوادم تشابة،لا والذي سواك كـذاب كذاب، بعض البشر يغيب محدن درابة،وبعض البشر قطعة من القلب لا غاب..

 أعترف لك كان يكفي الإعتراف، وأعتذر كان يكفيك العذر، في ليالي الشوق حسيت إختلاف،مرت الساعة على روحي شهر،إفترشت الهم والضيقة لحاف،ثار بي بركان حبك وإنفجر،ما ينلام اللي دخل قلبي وشاف حب ما شافة بهالدنيا بشر..

 حــــــرام..تحرمني من الصوت والشوف،وحرام تذبحني بزهرة شبابي،وحرام تقطف وردة الحب بسيوف،وحرام تهجرني وتخلف صوابي،لا تبتعد عني ترى القلب مخطوف،ما باقي إلا الجسم داخل ثيابي..

 لك وحـــــشـــــة..تلفني شـــوق وعتاب،وإن جيت تسكني حنان وطرابة،علمتني إن الــوفــا طــبع الأحبـاب،رسمت عمــري وردتين وسحابة،خذنــي لــوجودك وضـمني بين الأهداب،عمري بدونك ما تحمل عذابة..

 جيتك وانا ادري داخلك لوم وعتاب،ما ابــيك تسأل وين حضرة جنابي،أبطيت غايب لكن الشوق ما غــاب،جتك الرسايل تعتذر عن غيابي،ماهـــو بكيفي غبت وللــغيبة أسباب،لكن بكيفي جيتك وأعـــلن جوابي،أحبك،إية أحبك حتى مماتي..

 يهز الشوق وجداني إذا غــابت مــراسيلك،أحـب الحب من حبك وأحب أسمع سواليفك،احب الورد من أجلك لأنك ورد من أصلك،ودمعك من رحيق الورد أشوف الورد واشتقلك..

 خلــني في "بالك" وغــيب،أهـم شــيء "أبقى" حــبيب،وإذا حصل وإحتجتني،صدقني" تلقاني" قريب،تلقاني "ظلك" لا مشيت،تلقاني" دمعك" لا بكيت،تلقاني" بسمـة" لا رضيت، فيـنـي "ظـنـك" مـا يـخـيب،ولـك وعـد إني اكـون،الصاحب الوافي الحنون..

 ما شفت صورتك بين الرمش وعيوني،ماشفت سود الليالي كيف أقضيها،أشوف غيرك ولكن ما يهمونــي،عيني إذا ما تشوفك وش أبي فيها،ماهمني لوتعيش العمر من دوني،لكن دونك أيامي كيف أقضيها..

 تدري من أنا؟!،واحد ما توقعة،خذ مهلة،وفكر,1,,2,,3,, ها ما عرفتني،وإلا أكيــد ناسيني،"أنا اللي"،منتــظر موعد عيونك،مشتهي معك الكــلام،منتــهي قلبــي بدونك،عيشتي بعدك ظلام..

 ماعرفت البعد لين إني شربت،مُر بعدك في خفوقي اللي محتريك،ما حسبت البعد لكني حسبت,فوق خمسيـن الف نبضة تحــتريك،لو أقول إنك وحــشتيني والله كــذبت’ما وحشتيني؟!،"أنا ميتة فيك"..

 خليتني مثل الكفيف أتمــناك،اللي عـقب شوفة عيونة فقدها، عذبتني مــا بين بــعدك ولقياك،حتى اللــيالي قــمت أحـسب عددها،لو كنت تدري وش كثر قلبي أغلاك،يمكن تقول الأم ماهو قد كذا أغلت ولدها..

 الشوق يمكن يضيع في داخل إنسان،ويمـكن يضيع إنـــسان من كثرة الشوق،تبي تعرف وش الشـــــــــوق،الشوق لوعة وإنتظارودمعة وحرمان وإحســاس مخنوق تلــعب الدنيا بة على كف الأقدار..

 أبعتذر",وأرسل مـع الشوق عذري,يلي مكانك بين عينــي وقلبي,أنا مقصر والظروف أجبرتني,وأبيك تقبل أعتذاري بظرفي,والله ماني مهملك في حياتي,لكن حياتي يا الحبيب أتعبتني..

 تدري يوم تغيب عني يختلط ظني في ظني,أحس بضيق وكآبةكنة شي وضاع مني,شوف الورد كيف يذبل,والقمر يبعد ويرحل,وتتغير كل حاجة لما إنت شوي ترحل,تبغى عاد إنت الحقيقة,إلا بعدك ما أطيقة..

 فجأة تذكرتك بس ماكنت ناسيك,إشتقت لأيام بها كنت وياك,ذكرت حلم وأحياه طاريك,حب غدا مابين همك وذكراك,ليتك تشوف اللي من الناس يغليك,مسجون بأسوار الزمن كيف يلقاك..

 ياظالمة وينك ترى الشوق غلاب,مشتاق لك مشتاق حتى لعذابك,وينك تعالي وأظلميني بلا حساب,ظلمك ولا ظلم الزمن في غيابك..

 طول غيابك وإنت بالقلب موجود,ماغبت عني يابعد كل غالي,أذكرك لاشميت أنا ريحة العود,وأذكرك لاهبت هبوب الجنوبي,أذكرك لابانت لي أزهار و ورود,أذكرك لاشفت القمر فوق عالي..

 خذاني الوقت عنك ورديت,وجيتك بحبي وعذري وشوقي,عاتبت نفسي حيل يوم إني أبطيت,وأحرقت من كثر الحسايف خفوقي,ياللي على روحي وقلبي تغليت,يا أصل المشاعر وأميرة بداخل عروقي..

 ياضما قلبي لقلبك,وغربة عيوني عن عيونك,وين إنت؟! ياترى اليلة في صدري,لافي جفني,لافي الشعور اللي خطفني,آة لوتدري بشوقي,آآآة ياضما فرقاك بعروقي,وآآآة من وقت قسى في غيابك..

 ما هزت الدنيا من الراس شعرة,لكن غيابك هز كامل كياني,ولا احد خذا قبلك من الحب قطرة,بس وحدك انت أخذت صافي حناني,يكفي من قلبك ولو بس كلمة,واعيش معك الحب في جو ثاني..

 ماللعمر بعض الأحيان قيمة لا غاب عنك من تحبة وتغلية,تصبح حياتك في بعادة سقيمة,ويفز قلبك كل ماجاك طارية, دام المحبة تمطر الوجد غيمة,وصل الحبايب عهد ولازم نوفية..

 عهد قطعتة لو مضى العمر منسااااك,إلا إذا صادفت لحظة وفاتي,جايز أحبك ,أفقدك وأتناساك,جايز تغيب وتنسى حبي وغلاتي,بس إنت تدري كيف انا أحس وياك, وتدري إذا غبت إنت كيف يصير حالي...

 اتحرى في زماني ساعتين:ساعة إتصالة,وساعة جيتة,وأحترق في كل ساعة مرتين:خوفي ينسى,أوتطول غيبتة,وبس أشوفة تعتريني رجفتين:رجفة الفرحة,ورجفة هيبتة مات قلبي يالخلايق موتتين:يوم شفتة ,ويوم روحي حبتة...

 قل للعيون اللي شكت بعد الأحباب,وقل للدموع اللي من الشوق هلت,وقل للشعور اللي من الهم منصاب,وقل للجروح اللي بالإحساس حلت,وقل للخفوق اللي عجز عنة الأطباب,ترى المشاعر من عنى البعد ملت..

 طعم الحياة بغيبتك صعب ينطاق,والنوم بعدك ماتذوقة عيوني,أشتاق في بعدك وفي قربك أشتاق,حبك جنوني وإنت كلك جنوني,يا معرض روحي على جمر الأشواق, لارحت عني أبسألك كيف تحيا بدوني..؟!

 ياما ترجيت الليالي بلقياك,من يوم حال البعد بيني وبينك, من شوق قلبي جتك الأبيات ترثاك,تبكي على فرقاك وتقول وينك؟,لو العمر يهدى فأنا أقول يفداك,وتفداك عين ترتجي شوف عينك...

 "جرح الجسد" لامضى الوقت يبرى,وإلا غيابك جرح منهو يداويه؟,لافاد دكتور ولاشيخ يقرى,وعجزت كراتين العلاجات تشفية,يالعنبو قلب(ن) من الحب يشقى,ويالعنبو فرقا من تحبة وتغلية...

 الآ يابحري الهادي,أبي أجلس معك هالليل,وأبحكيلك وأسولفلك عن غالي وحشني حيل,أكل عقلي وأخذ قلبي ومن بعدة شربت الويل,أنا أحبة وأودة وفي صدة دموعي سيل,فداة عمري فداة روحي ولة عيني تشيلة شيل...

 تدرين من أنا,أنا اللي في ضلوعي قلب,يهوى حيل كلماتك, أنا اللي في عيوني دمع,يعاني كثر غيباتك, أنا اللي في لساني لك كلام يطرب شفاتي,وكل هذاى ومثلة زود سببها يا الغالي غلاتك...

 أعذرني يا عيوني لوحصل مني قصور,ماتجاهلتك أبد ولا هو مني غرور,إنت بدنيتي حب وفا أفراح وسرور,مثلي أنا نبتة وإنت بأصولي جذور,بدونك ما أعيش وبدونك أنا مجرد بذور,وهذه هي الدنيا يا قلبي غياب وحضور...

 الغياب ماهو جفاء,والحضور ماهو وفاء,الأهم شوق القلوب حتى لو الشخص إختفى...

 في غيابك صار لي شيء كثير,قصتي قصة وكيف ابدأ بها,طال ليل كان بعيوني قصير,وكل ذكرى دق فكري بابها,وضعي
أصبح بعد غيبتكم خطير,والليالي ماحسبت حسابها,ياوداد النفس ياحبي الكبير,يامناة الروح واغلى أحبابها

» صرخة غياب وحنين اشتياق