خاطره ابكت الشارع السعودي

••.•´¯`•.•• خاطره ابكت الشارع السعودي ••.•´¯`•.••

هذه الخاطره قريتها في إحدى المنتديات وأثرت في نفسي
لذلك قلت انقلها لكم

( الطفــــولـــة )
ـــــــــــــــــــــــــــــــــ
أحلى مافي هالحياه
مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني ...
بسمه فينا ترتســم
كنـّا نركض
خلف كوره ... ( لا لا أنا ماكنت معهم؟ )
وحدي بس بعيد عنهم ... كنت أنا أضحك عليهم ...
جالس لحالي أهذري... جالس أحسب كم( كوبري )...
صلـّحه( أحمد ) في ( ماجد ) ؟؟
والله واجد!!
وقبل ما يحل الظلام ...
للبيوت نروح نجري ... ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم!
وهم عني يبعدون ...
يبعدون ... يبعدون ...
إلا( ماجد )!
كان مثلي حيل ضايق ...
بس حزنـي كــان حارق
كان يسألني ببراءه : ...
ليش تعرج ؟ ... قلت مادري ! - باستياء -
ليش تبكي ؟ قلت مابكي - بكبرياء -
ضاق مني ...
ثم سألني في غباء ...
قال ( وش رايك انتسابق )؟
وراح عنــّــي ... !!
كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئلة...
كل شيٍ أجهله ؟
وإن تعبت من الإجـــابه...
أحضن الحيـــره وأنام .
مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز )!
يعني بيني وبينكم
مليون حاجـــز !!!
صدقوني هاذي حقيقه ...
لو طلعت السوق ... كل ما أمشي دقيقه
القى كل شويه أبله !
يمشي ويناظر صديقه ...
ويغمز له
يقول : ناظر...!
وش يناظر ؟؟
وتتفجّــر في خفوقي
ألف ضيقه
ووحده في وسط الزحام ....
طالعتني باهتمام ...
بنت في عمر الزهور ... أي رشاقه ... وأي أناقه ...
وأي عطـــور !!
قلت في نفسي ياهووووه
هي تناظرني بغرام ؟ أو هي نظره والسلام ؟
بس أكيد إنها تعرفني ... شايفتني ؟
شايفتني في جريده ؟
وأعجبتها لي قصيده ؟
إيييييه أنا الان افتكرت
لي قصيده ...
كنت ناشر معها صوره
بس صوره ... ياسلااااا م
وفاجأتني ...
لمـّا صارت لي قريبه ... كانت تـتمـتم بطيبه
{يكسر الخاطــر حـــرااااام ) !!!!!
وتركت دمعه غريبه ...
وضاعت بوسط الزحــام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظــات وأقسى
لو غدا الرجـّــــال يكسر ... خاطر أنثى
كيف ينسى ؟؟؟
جاوبوني !
وزاد همّــي ...
يوم فكــّـرت بوظيفة ... ثم زواج
أي وظيفة ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لا
... وعلى بنــد الأجـــــــور ....
ماهو رسمي !!!
صدقوني لو تدرّج ... وصار راتبه ايتصاعد
وابتــدا وضعه يزين
ما أظنه بيتزوّج ... حتى لو بعد التقاعد
************************
وفي النهــايه ...
يابلــدنا... مهما كانت( تسميتـنا )
عاجزين ...( معوّقين )
لك عهدنا... وهذا قسمنا:
************************
أقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصنٍ حصين
إنتي ناديني وشوفي ... لا نويتي بالجهــاد
والله أقهر لك ظروفي ... دامك إنتي لي بــــلاد
وباسم كل العاجزين ...
مادام فينا أصبع يطول الزنـــاد
لا يهمــّـك يابلادي ...
ــــــــــــــــــــــــــــــــــــ
اتمنى ان يعجبكم الموضوع

مشكور اخوي علي الكلمات الرائعه

سلمت اياديك على النقل يعطيك الف عافية

شموخ بنت شيوخ كتب:: مشكور اخوي علي الكلمات الرائعه

مرورك الاروع اختي شموخ

تقبلي ودي

البرق كتب:: سلمت اياديك على النقل يعطيك الف عافية

يعطيك الف الف عافيةاخوي البرق على إطلالتك العطرة

يسلموووووو على مرورك

تحيتي وتقديري لك ... دمت بخير وود

» السعودي اذا شغل مخه.. وخروووا عنه ..
» الرجل السعودي
» انظرو ماذا فعل الشاب الكويتي بالعلم السعودي؟!!
» عاجل: زيادة أندية دوري المحترفين السعودي إلى 16 وصعود 4 من “الأولى”